Viltu læra réttu handtökin við förðun og hvernig þú notar förðunardótið þitt? Endurtekið vegna mikilla vinsælda.

Förðun skiptir okkur öll máli, hvort sem við förðum okkur mikið eða lítið viljum við vera með fallega förðun. Að farða sig fallega styrkir sjálfsmyndina og um leið vellíðan. Það vefst fyrir mörgum hvernig á að farða sig og er því tækifæri hér að læra réttu handtökin.

Heiðdís Einarsdóttir förðunarfræðingur og hársnyrtimeistari heldur stutt námskeið í förðun og umhirðu húðarinnar bæði fyrir og eftir förðun. Farið er yfir rétt val á farða fyrir hverja húðtýpu, hvernig er best að skyggja og setja ljóma á húðina með tilliti til andlitsfalls, litarháttar og fleira. Einnig er kennd tækni við að beita förðunarburstunum rétt og nokkrar leiðir til að gera fallegan augnskugga með sýnikennslu.

Í lokin fá öll tíma með Heiðdísi við að fara yfir snyrtidótið sitt og biðjum við ykkur um að taka það förðunardót með ykkur sem þið eruð að nota eða eigið. Heiðdís fer síðan yfir hvað hvert og eitt á og hverju má mögulega bæta við.

Hámark 10 þátttakendur.

Leiðbeinandi: Heiðdís Einarsdóttir förðunarfræðingur og hársnyrtimeistari

Athugið að þessi viðburður er einungis fyrir félagsfólk Sameykis.