Lengri námsleiðir Framvegis eru ætlaðar fólki sem er 18 ára eða eldra og hefur ekki útskrifast úr framhaldsskóla, en það er markhópur í framhaldsfræðslunnar. Námsleiðirnar eru vottaðar af Menntamálastofnun og í flestum tilfellum er heimild til að meta námið til eininga í framhaldsskóla. Nám hjá okkur getur því verið góð leið fyrir þá sem vilja koma sér af stað í frekara nám, styrkja stöðu sína á vinnumarkaði eða efla sig persónulega.
Sameyki stéttarfélag í almannaþjónustu býður upp á námskeið og fyrirlestra fyrir félagsfólk því að kostnaðarlausu. Boðið er upp á fjölbreytta fræðslu, bæði stutta og lengri og á mismunandi tíma svo flestir finni eitthvað við sitt hæfi. Lágmarksfjöldi þátttakenda á hvern viðburð er oftast 12 en það er þó mismunandi eftir námskeiðum. Því er öruggast fyrir áhugasama að skrá sig sem fyrst.
Skráning á viðburði á vorönn 2024 er hafin.
Athugið að viðburðir í Gott að vita eru einungis fyrir félagsfólk Sameykis.
Um árabil hefur Framvegis átt gott samstarf við Sjúkraliðafélag Íslands um símenntun sjúkraliða.
Sjúkraliðanámskeiðin eru öll starfstengd og metin til launa fyrir stéttina. Framvegis nýtur liðsinnis fagráðs við gerð og hönnun nýrra námskeiða og á í góðu samstarfi við aðrar símenntunarmiðstöðvar um námskeiðin. Sjúkraliðanámskeiðin eru kennd í staðnámi en mörg þeirra eru einnig fjarkennd sem auðveldar sjúkraliðum um allt land að sækja símenntun.
Við hvetjum því þátttakendur sem eru á stórhöfuðborgarsvæðinu og nýta sér staðkennslu svo þeir sem ekki eiga heimangengt geti verið í fjarnámi.
Námskeið hjá Framvegis eru mörg hver kennd í samstafi við fyrirtæki og stofanir. Námsframboð sem birtist hér er ekki tæmandi og erum við sífellt að bregðast við óskum og þörfum þeirra sem til okkar leita. Þátttakendur geta komið úr ýmsum áttum og er markmið í hvert sinn að mæta öllum þátttakendum þar sem þeir eru staddir. Mörg námskeiðanna eru kennd á fleiri tungumálum en íslenslu, svo sem; spænsku, ensku, arabísku, pólsku, úkraínsku og litháísku.
Námskeið sem ekki eru dagsett fara af stað þegar fjöldi þáttakenda er nægur.
Ef þú hefur áhuga á samstarfi við okkur eða vilt frekari upplýsingar ekki hika við að hafa samband.
Many courses at Framvegis are taught in collaboration with other companies and institutions. The courses on this page are not exhaustive and we are constantly responding to the needs of those who seek our services. Many of the courses are taught in various languages, such as; Spanish, English, Arabic, Polish, Ukrainian, Lithuanian and so on.
Courses that do not have a start date will begin when the number of participants is sufficient.
If you are interested in working with us or if you want more information, do not hesitate to contact us.