Raunfærnimat á sjúkraliðabraut

Smellið á myndina fyrir upptöku af kynningarfundi:

 

Í stuttu máli þá er í raunfærnimati á sjúkraliðabraut (eða sjúkraliðabrú) farið yfir reynslu þína og þekkingu og hún metin til eininga á brautinni. Litið er svo á að það skipti ekki máli hvar þú öðlaðist færnina, ef þú hefur hana þá einfaldlega hefur þú hana.

Þannig er í raunfærnimati metin sú færni og þekking sem þú býrð yfir. Færni má ná með ýmsum hætti til dæmis í gegnum starfsreynslu, starfsnám, frístundir og nám. Þetta getur verið bæði formlegt nám, sem fram fer innan skólakerfisins og óformlegt nám sem fer fram utan skólakerfisins, t.d. í starfi. Raunfærnimat er mat á þeirri raunfærni sem viðkomandi hefur og eðlilegt að meta hana óháð því hvernig hennar hefur verið aflað.

Raunfærnimatið er óháð búsetu þátttakenda og fer fram rafrænt að miklu leyti.

Hægt er að skrá sig í raunfærnimat sem hefst í janúar 2025 með því að smella hér: Skráning vor 2025

 

Dagskrá vorannar 2025

Kynningarfundur á netinu miðvikudaginn 8 janúar kl.11.30. 

Skimunarviðtöl hjá náms- og starfsráðgjafa verða í janúar. 

Sjálfsmatsfundur - færnimappa. 

Þátttakendur þurfa að skila eftirfarandi gögnum áður en kemur að sjálfsmatsfundum:

  • Staðfesting á starfi í a.m.k. 3 ár
  • Staðfesting á fyrra námi

Fundirnir verður á netinu og velja þátttakendur á milli tveggja tímasetninga: 

    • Fimmtudagur 30. janúar kl. 15:00
    • Föstudagur 31. janúar kl. 11:00 

Fyrir fundina er gott að vera búin að finna til gögn og byrja að vinna færnimöppuna. Þú getur hlaðið niður möppunni með því að smella hér: Færnimappa

 Sjálfsmatsfundur - matslisti. Fundirnir verða á netinu. Þátttakendur velja milli tveggja tímasetninga: 

    • Þriðjudagur 4. febrúar kl. 15:00
    • Miðvikudagur 5. febrúar kl. 11:00  

Matssamtöl.

Matssamtöl hefjast í febrúar.

Raunfærnimatinu lýkur með staðfestingu á metnum einingum og lokaviðtali.

Dagskráin er birt með fyrirvara um breytingar.

Fyrir hver er raunfærnimat?

Þátttakendur þurfa að uppfylla þrjú skilyrði:

    1. hafa litla formlega menntun (þ.e. hafa ekki útskrifast úr framhaldsskóla)
    2. vera 23 ára eða eldri
    3. hafa lágmark 3 ára starfsreynslu í geiranum - í þessu tilfelli t.d. umönnun sjúklinga

Þau sem hafa meiri menntun, t.d. stúdentspróf, en uppfylla hin tvö skilyrðin greiða sjálf fyrir raunfærnimatið.

Hvað er verið að meta?

Sex áfangar á brautinni eru til mats. Þetta eru:

    • Heilbrigðisfræði – HBFR1HH05
    • Hjúkrun verkleg - HJVG1VG05
    • Næringarfræði - NÆRI2NN05 
    • Samskipti - SASK2SS05 
    • Hjúkrun grunnur – HJÚK1AG05 
    • Verknám á hjúkrunarheimili eða öldrunarlækningadeild - VINN3ÖH08 

Kostnaður

Þau sem uppfylla skilyrðin þrjú: raunfærnimatið er þeim að kostnaðarlausu. 

Þau sem ekki eru í markhópi framhaldsfræðslu (t.d. hafa útskrifast úr framhaldsskóla): 186.000 kr. grunngjald og 2.280 kr. hver eining sem er metin. Mörg stéttarfélög veita styrki fyrir raunfærnimati og er áhugasömum bent á að athuga það hjá sínu félagi.

Ferlið í raunfærnimati - það sem þú þarft að gera

    1. Skrá þig í raunfærnimat
    2. Mæta á kynningarfund á netinu (hægt að skrá sig að loknum kynningarfundi)
    3. Mæta í viðtal við náms- og starfsráðgjafa, annað hvort á netinu eða í til okkar í Borgartúnið
    4. Skila inn gögnum um fyrra nám og störf
    5. Mæta á sjálfsmatsfund þar sem færnimappa er fyllt út
    6. Mæta á sjálfsmatsfund þar sem gátlisti er fylltur út
    7. Mæta í matssamtal / samtöl
    8. Mæta í viðtal hjá náms- og starfsráðgjafa þar sem farið er yfir niðurstöður og hvaða möguleikar eru færir í framhaldinu.

Ítarlegri kynningar

KYNNINGARMYNDBAND UM RAUNFÆRNIMAT Þátttakandi í raunfærnimati og náms- og starfsráðgjafi segja frá ferlinu.

 Svona lítur ferlið í raunfærnimati út:

Kynning á ferli í raunfærnimati á sjúkraliðabraut

Frekari upplýsingar veitir Helga náms- og starfsráðgjafi Framvegis í síma 581 1900 eða helga@framvegis.is