Áttin að draumastarfi
Áttin að draumastarfi
Námskeiðið er ætlað einstaklingum sem eru á milli starfa, í starfsendurhæfingu eða hafa áhuga á að breyta til eða skipta um starfsvettvang. Kynnt verða ýmis verkfæri og aðferðir sem þátttakendur geta nýtt til að koma sér á framfæri á vinnumarkaði. Ásamt því að stuðningur og fræðsla verða veitt varðandi atvinnutækifæri sem í boði eru.
Á námskeiðinu er lögð áhersla á að þátttakendur efli sig á uppbyggilegan og jákvæðan hátt þannig að þeir geti nýtt þau tækifæri sem bjóðast á vinnumarkaði. Farið er í gegnum ferðalag atvinnuleitarinnar allt frá því hvar viðkomandi er staddur í lífinu, skipulagningu í tengslum við atvinnuleit, hvar helstu tækifæri er að finna, umsóknir, atvinnuviðtalið og hvernig samskipti og hegðun geta haft áhrif á ferlið.
Markmið
Að auka hæfni í að takast á við hraðar breytingar og kröfur vinnumarkaðarins. Einnig að auka trú á eigin getu og öðlast hugrekki til að stíga út fyrir eigið þægindarsvið og þora að taka ákvörðun varðandi stefnu í lífinu
Viðfangsefni
- Valdefling
- Hugrekki
- Jákvæðni og hugarfar
- Framkoma og tjáning
- Ótta- eða flóttaviðbrögð
- Persónuleg stefnumótun
- Leiðir í atvinnuleit
- Umsóknir
- Atvinnuviðtalið
Hæfniviðmið
- Að þátttakandi geti ýtt hindrunum úr vegi með því að hafa trú á eigin getu
- Að þátttakandi geti tekið frumkvæði í atvinnuleit
- Að þátttakandi geti skilgreint hvernig störf hann vill og hjá hvaða fyrirtækjum þau má finna
- Að þátttakandi nýti þekkingu sína á verkfærum atvinnuleitar og auki þar með starfshæfni sína
Lengd
15. klst.
Nánari upplýsingar
Í síma 581 1900 og framvegis@framvegis.is
