Aftur í nám
Aftur í nám
Aftur í nám er fyrir einstaklinga 18 ára og eldri sem glíma við lestrar- og skriftarörðugleika og hafa ekki klárað framhaldsskóla.
Markmiðið námsins er að auka hæfni þátttakenda í starfi og námi og stuðla að jákvæðu viðhorfi til áframhaldandi náms.
Tilgangur námsins er að styrkja þátttakendur og þjálfa í lestri og skrift með aðferðum Ron Davis (dyslexia.com).
Farið er af stað með hópa í náminu þegar næg þátttaka fæst. Einnig bjóðum við stofnunum og fyrirtækjum að setja af stað lokaða hópa.
Námsgreinar
- Sjálfsstyrking
- Ron Davis þjálfun
- Íslenska
- Tölvur- og upplýsingatækni
- Náms- og starfsráðgjöf
Markmið námsins
Lokamarkmið námsins eru að námsmaður:
- þekki eðli lesblindu samkvæmt aðferðafræði Ron Davis
- auki færni sína í lestri. sé fær um að halda sér í lesþjálfun
- sé fær um að meta stöðu sína
- þekki ábyrgð sína á námi sínu
- bæti sjálfstraust sitt til náms
- hafi mætt a. m. k. 80% skv. stundaskrá
Inntökuskilyrði
Námið er fyrir þá sem eru 18 ára og eldri. Þeir sem hafa ekki lokið námi í framhaldsskóla eru í forgangi.
Tilhögun náms
Fyrirkomulag námsins fer eftir aðstæðum hverju sinni. Þó er alltaf byrjað á að hópurinn fær sameiginlega fræðslu auk þess sem kennslan er sameiginleg í lok námsins. Athygli er vakin á því að meira en helmingur námsins er einkakennsla.
Lengd náms
65 klst (þar af 35 klst í einkakennslu með Davis leiðbeinanda).
Verð
109.000 krónur. Hægt er að sækja styrki til flestra stéttarfélaga.
Einingar
Möguleiki er að stytta nám í framhaldsskóla um allt að 7 einingar.
Nánari upplýsingar
Í síma 581 1900 og framvegis@framvegis.is
