Efling stafrænnar hæfni: grunnnám í forritun
Efling stafrænnar hæfni: grunnnám í forritun
Námið er fyrir þau sem vilja fá þjálfun í að búa til forrit og tileinka sér sjálstæð vinnubrögð og hugsun í forritunarumhverfi.
Efling stafrænnar hæfni: grunnnám í forritun er nám sem skiptist í 4 námsþætti og er ætlað að ná utan um grunnþætti forritunar í hönnun og forritun, rökhugsun, sköpun, þrautalausnir og kynna helstu forritunarmálin. Markmið námsins er að efla skilning og hæfni einstaklinga á grunnþáttum forritunar, þekkingu á uppbyggingu forrita, notkun hugtaka forritunar og að tengja saman forritunartungumál og hugtök forritunar. Þátttkendur læra hvernig hægt er að koma hugmyndum sínum í framkvæmd með hugmyndafræði forritunar, lögð er áhersla á öguð og viðurkennd vinnubrögð við greiningu og hönnun tölvuforrita. Að loknu grunnnámi í forritun hafa einstaklingar fengið þjálfun í að búa til forrit, teymisvinnu, sjálfstæðum vinnubrögðum og greinandi hugsun í forritunarumhverfi.
Námsgreinar
- Grunnhugtök forritunar
- Forritunarleg hugsun
- Forritun og kóðun
- Hagnýt forritun
Hæfniviðmið
Námsmaður skal hafa öðlast þekkingu og skilning á:
- undirstöðuatriðum og grunnhugtökum forritunar
- uppbyggingu forrita og stýrikerfa
- hugmyndafræði og aðferðafræði forritunar
Námsmaður skal hafa öðlast leikni í að:
- nota forritunartungumáli og þá þætti sem það felur í sér
- notar forritunarmál á textaformi til að skrifa einföld forrit
- skapa einföld forrit á læsilegan og skiljanlegan hátt
- finna og laga villur í forritum á sjálfstæðan hátt
- nota forritunarlega hugsun, aðferðafræði og hugmyndafræði forritunar við lausnir vandamála í forritunarumhverfi
Námsmaður skal geta nýtt þá almennu þekkingu og leikni sem hann hefur aflað sér til að:
- skrifa forrit út frá rökfræði forritunar og skriflegu forritunarmáli
- framkvæma eigin hugmyndir á skipulegan máta í forritunarumhverfi
- vinna skipulega í teymi og deila verkefnum á hagkvæman hátt við lausn vandamála
Inntökuskilyrði
18 ára og eldri, þeir sem hafa ekki lokið námi í framhaldsskóla eru í forgangi.
Lengd náms
80 klukkustundir.
Verð
30.000 kr. Hægt er að sækja styrki til flestra stéttarfélaga.
Nánari upplýsingar hjá Framvegis, s. 581 1900 eða í framvegis@framvegis.is
