Námskeið fyrir þau sem vilja læra aðferðir til að ná tökum á kvíða. Þrjú skipti, 2 klst. í senn.

Á námskeiðinu verður farið yfir helstu áskoranir þeirra sem eru að takast á við kvíða og skoðað hvað býr að baki hans. Kenndar verða hagnýtar og gagnlegar leiðir til að mæta kvíðanum með auknum skilningi, hugrekki og samkennd.

Eftir þátttöku á þessu námskeiði munt þú geta:

• skilið betur hvað býr að baki kvíðans
• iðkað samkennd í eigin garð
• hvatt þig áfram með samkennd 

Leiðbeinandi: Anna Dóra Frostadóttir er sérfræðingur í klínískri sálfræði og vinnur á Núvitundarsetrinu. Þar sinnir hún greiningu og almennri sálfræðimeðferð fullorðinna og leiðir hópnámskeið. Hún hefur sérhæft sig í nálgun HAM, ACT, núvitundar og samkenndar.

Athugið að þessi viðburður er einungis fyrir félagsfólk Sameykis.