Viðfangsefni

Tilgangur námsþáttarins Samskipti og sjálfstraust er annars vegar að efla samstarfs- og samskiptahæfni þátttakenda og hins vegar er fjallað um helstu áhrifaþætti í mannlegum samskiptum, einkum áhrif sjálfstrausts á framkomu, ákveðni og óákveðni ásamt ágengni í samskiptum. Áhersla er lögð á leikni í að hlusta, gagnrýna, taka við gagnrýni og leysa ágreining. Fjölbreyttar leiðir eru notaðar til að ná hæfniviðmiðum námsþáttarins sem fræðsluaðili seturfram í kennsluáætlun. Mikilvægt er að viðfangsefni námsþáttarins fléttist inn í alla aðra námsþætti námskrárinnar.

Tilgangur námsþáttarins Tölvu og upplýsingatækni er að efla hæfni námsmanna í tölvu- og upplýsingatækni. Upprifjun á reglum í siðlegum samskiptum á netinu. Áhersla er á að þjálfa nema í notkun ýmissa gagnlegra forrita í tengslum við vinnu í öðrum námsþáttum námskrárinnar. Fjallað er um almenn atriði upplýsingalæsis og um tölvubúnað og hvernig best má hagnýta vél- og hugbúnaðinn í námi og starfi. Lagt er upp úr kynningu og notkun á opnum (gjaldfrjálsum) hugbúnaði. Fjölbreyttar leiðir eru farnar til að ná hæfniviðmiðum námsþáttarins sem fræðsluaðili setur fram í kennsluáætlun.

 Hæfniviðmið

Að loknu námi skal námsfólk búa yfir færni samkvæmt eftirfarandi hæfniviðmiðum. Nánar er vísað
til hæfniviðmiða einstakra námsþátta:
Þekking
Nemi skal hafa öðlast þekkingu og skilning á:

• siðferðisgildum við samskipti almennt og á rafrænum miðlum
• helstu þáttum sem snúa að tölvu- og snjalllausnum við nám og störf
  Leikni
  Nemi skal hafa öðlast leikni í að:
• setja sér námsmarkmið í samræmi við eigin fyrirætlanir með náminu
• þekkja uppbyggingu og almenna umgengni við tölvur og vinnslu þeirra
  Hæfni
  Nemi skal geta hagnýtt sér þá almennu þekkingu og leikni sem aflað hefur verið til að:
• til að vinna verkefni sjálfstætt og skipuleggja vinnuna
• miðla upplýsingum bæði skriflega og munnlega á skýran og greinargóðan hátt

 Lengd náms

40 klst.

 Verð

18.000 kr (með túlk: 22.800,-)